Околу 27 проценти од испитаниците кажале дека ги одобруваат нападите, додека 43 проценти рекле дека не ги одобруваат, а 29 проценти кажале дека не се сигурни.
Девет од 10 испитаници кажале дека слушнале барем нешто за нападите, кои започнаа вчера наутро.
Околу 56 проценти од Американците веруваат дека Трамп, кој исто така нареди напади врз Венецуела, Сирија и Нигерија во последните месеци, е премногу подготвен да употреби воена сила за да ги унапреди американските интереси.
Големо мнозинство демократи, 87 проценти, го поддржуваат тој став, како и 23 проценти од републиканците и 60 проценти од луѓето кои не се идентификуваат со политиките на која било политичка партија.
Анкетата, која била спроведена вчера откако нападите веќе почнале, ги зема предвид одговорите на 1.282 возрасни лица во САД. Постои маргина на грешка од три процентни поени.
