Ова незадоволство следува по вревата во Вашингтон што се разгоре кај двете партии кон претседателот. Истражувањето покажа дека релативно мал дел од Американците „силно“ или „донекаде“ го одобруваат помилувањето, кое дојде откако помладиот Бајден беше осуден поради обвиненија за оружје и данок. Околу половина рекле дека „силно“ или „донекаде“ не одобруваат, а околу 2 од 10 ниту одобруваат ниту не одобруваат.
Демократскиот претседател постојано повторуваше дека нема да ја употреби својата моќ за помилување за доброто на неговото семејство, а Белата куќа продолжи да инсистира, дури и по победата на републиканецот Доналд Трамп на изборите во ноември, дека ставот на Бајден не се променил – сѐ додека одеднаш не се промени, вели АП.
„Знам дека не е во ред да им веруваме на политичарите во она што го кажуваат во споредба со она што го прават, но тој експлицитно рече: ‘Нема да го помилувам мојот син’“, рече Питер Престиа, 59-годишен републиканец од Вудленд Парк, Њу Џерси, западно од Њујорк, кој рече дека категорично не се согласува со овој потег. „Значи, останува само фактот дека го погазил својот збор“.
