Како што наведуваат, кувајтската противвоздушна одбрана по грешка доцна во неделата навечер, според источноамериканско време, ги соборила борбените авиони Ф-15Е страјк игл.
„За време на активните борбени дејства, кои вклучуваа напади од ирански авиони, балистички проектили и дронови, борбени авиони на американското воено воздухопловство по грешка беа соборени од кувајтската противвоздушна одбрана“, стои во соопштението. „Сите шест члена на екипажот успешно се катапултираа, безбедно се пронајдени и се во стабилна состојба. Кувајт го призна овој инцидент и благодарни сме им на кувајтските одбранбени сили за напорите и поддршката во оваа операција.“
Причината за инцидентот е под истрага, наведува Централната команда. Авионите учествуваа во воената операција против Иран наречена Операција Епски гнев.
Кувајтскиот министер за одбрана утрово изјави дека се урнале „неколку“ американски борбени авиони.
