Ландау посочи дека овие мерки би можеле да вклучуваат укинување на визите. Американската администрација беше агресивна во одземањето на визите, особено за студентите поврзани со антивоените протести во Газа.
„Имајќи го предвид вчерашното ужасно убиство на истакнат политички лидер, сакам да нагласам дека странците кои го величаат насилството и омразата не се добредојдени посетители во нашата земја“, порача Ландау во објава на својот официјален профил на социјалната мрежа Икс.
In light of yesterday’s horrific assassination of a leading political figure, I want to underscore that foreigners who glorify violence and hatred are not welcome visitors to our country. I have been disgusted to see some on social media praising, rationalizing, or making light…
— Christopher Landau (@DeputySecState) September 11, 2025
„Згрозен сум што гледам дека некои на социјалните мрежи го слават, го оправдуваат или се потсмеваат настанот и им наложив на нашите конзуларни службеници да преземат соодветни мерки“, кажа тој. „Слободно посочете ми ги ваквите коментари од странци за да може Стејт департментот да го заштити американскиот народ“.
Ландау кажа дека ќе им наложи на конзуларните службеници, кои донесуваат одлуки за визи, да ги следат коментарите на неговиот пост.
Imaginé que lo ibas a borrar… pic.twitter.com/mYE9Mp4Kas
— Chumel Torres (@ChumelTorres) September 11, 2025
Како одговор на друг пост во кој беше истакнат друг пост за пукањето, Ландау кажа дека ако некој го знае името на авторката, „веднаш ќе ѝ ја одземеме визата. Иако се сомневам дека воопшто има виза“.
Во последниве денови, Ландау почна да се нарекува себеси „El Quitavisas“, односно „укинувач на визите“ на шпански.
