Говорејќи во Женева, американскиот министер за финансии Скот Бесент рече дека „двете страни ќе ги намалат своите царини за 115 отсто“, откако се согласија на 90-дневна пауза.
Станува збор за значајна деескалација на трговската војна, која се разгоре минатиот месец. Пред денешниот договор, САД ги зголемија царините за кинеските стоки на 145% (вклучувајќи дополнителни 20% наметнати за ограничување на увозот на фентанил во САД), додека Пекинг возврати со царини од 125% на американскиот увоз.
Бесент им рече на новинарите дека „двете страни покажаа голема почит“ за време на разговорите и дека „двете страни сакаат урамнотежена трговија“.
