Говорејќи за радиото Дојчландфунк, Вадефул рече дека се во тек подготовки за состанок на претставници од двете страни, кој наскоро треба да се одржи во Пакистан.
„Според информациите што ги имам, имало индиректни контакти и се извршени подготовки за директен состанок. Се чини дека тоа треба да се случи многу брзо во Пакистан“, рече тој.
Овие најави доаѓаат во период на зголемени тензии меѓу Соединетите Американски Држави и Иран, особено околу иранската нуклеарна програма и безбедносната состојба на Блискиот Исток. Директни разговори меѓу двете земји не се одржуваат често, бидејќи дипломатските односи се прекинати уште од крајот на 1970-тите.
Ако се реализира средбата во Пакистан, тоа би претставувало значаен дипломатски исчекор и можност за намалување на тензиите. Се очекува главни теми да бидат нуклеарниот договор, регионалната безбедност и санкциите воведени кон Иран.
Пакистан како локација се смета за неутрална и погодна за вакви чувствителни разговори, бидејќи ги одржува односите и со двете страни. Засега нема официјална потврда од американска или иранска страна за точниот датум на состанокот, но дипломатските извори укажуваат дека подготовките се во напредна фаза.
