„Вечерва, по моја наредба како врховен командант, Соединетите Американски Држави започнаа моќен и смртоносен удар против терористичкото ѓубре ИСИС во северозападна Нигерија, која таргетира и брутално убива, првенствено, невини христијани, на нивоа невидени со години, па дури и векови!“, рече Трамп во објава на Трут соушл.
„Претходно ги предупредив овие терористи дека ако не го спречат масакрот на христијаните, ќе платат висока цена и вечерва платија“, рече Трамп.
Командата на американската војска во Африка соопшти дека нападот е извршен на барање на нигериските власти и дека се убиени повеќе милитанти на ИСИС.
.@POTUS “Tonight, at my direction as Commander in Chief, the United States launched a powerful and deadly strike against ISIS Terrorist Scum in Northwest Nigeria, who have been targeting and viciously killing, primarily, innocent Christians, at levels not seen for many years, and… pic.twitter.com/ct7rUW128t
— Department of War 🇺🇸 (@DeptofWar) December 26, 2025
Кон крајот на октомври, Трамп почна да предупредува дека христијанството се соочува со „егзистенцијална закана“ во Нигерија и се закани со воена интервенција во западноафриканската земја за она што го нарече нејзин неуспех да го спречи насилството насочено кон христијанските заедници.
Нигериската влада изјави дека вооружените групи ги напаѓаат и муслиманите и христијаните, и дека тврдењата на САД дека христијаните се соочуваат со прогон не ја отсликуваат сложената безбедносна ситуација и ги игнорираат напорите за заштита на верските слободи. Но, се согласи да соработува со САД за зајакнување на нивните сили против милитантните групи.
Населението на земјата е поделено меѓу муслимани, кои живеат првенствено на север, и христијани на југ.
