„Путин направи грешка испраќајќи делегација на пониско ниво. Топката е всушност во неговиот двор – тој е оној кој мора да игра, тој мора сериозно да пристапи во потрагата по мир. Целиот притисок сега е врз него“, изјави Руте за новинарите пред самитот на Европската политичка заедница во Тирана.
Руте, од друга страна, ја пофали украинската страна за испраќањето на очекувана и подготвена делегација за сериозни мировни преговори. „Многу е добро што претставници на Украина седнаа на преговарачката маса“, рече тој.
Тој исто така изрази задоволство од ангажманот на Соединетите Американски Држави и напорите на претседателот Доналд Трамп за деблокирање на моменталната ситуација во врска со мировните преговори меѓу Украина и Русија.
Руте претходниот ден во Анталија го нагласи значењето на улогата на Турција како посредник меѓу страните во конфликтот, особено нејзината способност да ги доведе на преговарачка маса.
