Дека бродот почна со фабрички морски испитувања потврдија руските државни медиуми, а на социјалните мрежи се појавија снимки на кои се гледа како „Адмирал Нахимов“ плови во Бело Море. Според новинската агенција ТАСС, која се повикува на неименуван извор, претседателот Владимир Путин веќе е информиран за почетокот на тестовите. Чекорот следи по рестартирањето на двата нуклеарни реактори на бродот во почетокот на годинава, исполнувајќи го планот за започнување на испитувањата ова лето.
🇷🇺🫡⚓️ At last..heavy nuclear cruiser «Admiral Nakhimov» left SevMash shipyard for sea-trials after refurbishing. The ship spent more than 25 yrs at the shipyard.
📸 Courtesy: L.Alekseeva pic.twitter.com/WWPUoRds9U— KURYER🤔 (@RSS_40) August 18, 2025
Адмирал Нахимов, првично наречен Калинин, е дел од класата воени бродови Проект 1144.2 Орлан, попозната на Запад како класа Киров. Во служба на Северната флота влезе во 1988 година, а од 1997 година е вкотвен на суво пристаниште во бродоградилиштето Севмаш. Иако беше во процес на поправки, сериозните работи за модернизација започнаа дури во 2014 година.
A couple more photos. https://t.co/Fd09TQ09kz pic.twitter.com/J9AZ0qhOhh
— Capt(N) (@Capt_Navy) August 18, 2025
Првично крајот на поправките беше закажан за 2018 година, рокот беше неколку пати поместен – прво до 2019 година, потоа до 2020, 2021, 2023 година и конечно до 2024 година.
Клучното прашање останува – колку длабока навистина била модернизацијата и какви сѐ системи биле инсталирани? Според плановите, Адмирал Нахимов требаше да биде опремен со дури 174 вертикални лансирни цевки, што би го направило најмоќниот воен брод во светот во однос на бројот на лансерите. За споредба, кинескиот суперразорувач тип 055 има 112 лансирни ќелии, а американскиот крстосувач од класата Тикондерога има 122.
Арсеналот би требало да вклучува модерни руски крстосувачки ракети како што се калибр, суперсоничната оникс и хиперсоничната циркон. Останатите 96 ќелии беа наменети за ракети земја-воздух на системот С-300ФМ, а беше спомената и можната интеграција на системот С-400.
За одбрана од непосредни закани се планирани артилериско-ракетните системи панцир-м. Иако се чини дека се инсталирани некои нови радарски системи и нов главен топ АК-192М, обемот на инсталацијата на целото планирано вооружување останува непознат, пишува „Вор зоун“.
Враќањето на „Адмирал Нахимов“ е од огромна важност за руската морнарица, особено затоа што се очекува неговото влегување во употреба да го пензионира нејзиниот сестрински брод „Пјотр Велики“, кој е со застарена советска технологија. Со оглед на неизвесната иднина на единствениот руски носач на авиони „Адмирал Кузнецов“ и застојот во плановите за нова класа суперразорувачи, модернизираниот „Адмирал Нахимов“ веројатно ќе стане централен дел на идните поморски сили на Русија.
