Според разузнавачките агенции, едно од сценаријата е инсцениран руски торпеден напад врз американски воен брод. Се вели дека Киев веќе им предал на Британците советски и руски торпеда.
„Некои од нив се планирани да експлодираат на ‘безбедно растојание’ од американскиот брод, а едно торпедо нема да функционира и ќе ѝ биде претставено на јавноста како доказ за руска ‘злонамерна активност’“, објави СВР.
Во исто време, како што понатаму наведуваат руските разузнавачи, украинските безбедносни сили се подготвени да го преземат спроведувањето на планот.
Според нивните информации, вториот план е заедно со соучесници од северноевропските земји „случајно“ да ги извлечат руските сидрови мини од Балтичко Море, наводно поставени за саботажа на меѓународна поморска рута.
