„Зошто не објавиме дека за десет години ќе престане наплатата на придонеси во Социјалниот фонд и дека граѓаните, на пример, родени од 1995 година, воопшто нема да добиваат државна пензија? Веќе собраните придонеси од нивните плати би им биле вратени. Нека потоа одлучат на 30-годишна возраст дали сакаат да штедат или да имаат деца кои нема да ги остават во старост“, напиша Малофејв на својот канал на Телеграм.
Јарослав Нилов, претседател на Комитетот за труд, социјална политика и прашања на ветераните на Државната дума, се спротивстави на иницијативата. Тој кажа дека парламентот не треба да дискутира за вакви предлози и потсети дека сегашниот пензиски систем веќе функционира врз основа на принципот на солидарност, денешните работници плаќаат придонеси од кои се исплаќаат сегашните пензии.
„Имаме различни видови пензии – осигурени, воени, државни, социјални. Мислам дека идејата за укинување на пензиите е едноставно погрешна“, оцени Нилов.
Во екот на дискусијата, се обрати и претседателот на Уставниот комитет на Советот на Федерацијата, Андреј Клишас, кој потсети дека правото на пензија е загарантирано со уставот на Русија.
Константин Малофеев е руски политичар и олигарх, попознат како „православен олигарх“ поради неговата манифестирана религиозност. Малофеев беше санкциониран од Европската Унија и Соединетите Американски Држави поради неговата вмешаност во руската анексија на Крим во 2014 година. Украина го обвини за финансирање нелегални проруски паравоени групи.
Во 2018 година, медиумите од Босна и Херцеговина пишуваа дека Малофеев, кој се смета за близок до рускиот претседател Владимир Путин, бил вклучен во операција чија цел била да се обезбеди финансиска поддршка за властите на Република Српска, која е под контрола на Милорад Додик.
Беше утврдено дека на Малофеев му е забранет влезот во Босна и Херцеговина, а со овој факт се соочил на 30 мај, кога припадници на граничната полиција му забраниле влез во земјата, во која планирал да влезе преку аеродромот во Бања Лука, каде што пристигнал со приватен авион.
Порталот Кликс тврди дека имале увид во документот за забрана на Малофеев и наведува дека тој претставува „закана за БиХ, јавниот ред, јавниот ред и мир, јавното здравје на БиХ или меѓународните односи на БиХ“.
Додик наводно се обидел лично да интервенира за државните полицајци да го пуштат Малофеев да се симне од авионот, но таа интервенција била неуспешна, а планираната средба, односно договорот за трансакцијата, исто така, пропаднал.
