„Во нападот загинаа две лица, а пет се ранети. Лекарите ја пружаат сета потребна помош на повредените“, објави Кипер.
росія завдала масштабного удару по Одесі. Пошкоджені багатоповерхівки, школа, супермаркет, авто. Загинули 2 людини, ще 15 отримали травми. Спалахнули пожежі, евакуйовано понад 200 мешканців.
ДСНС розгорнула пункт незламності, працюють психологи та рятувальники. pic.twitter.com/QFuFasm3jt— DSNS.GOV.UA (@SESU_UA) May 1, 2025
Русија продолжува да ги напаѓа позициите на украинските сили и покрај тоа што рускиот претседател Владимир Путин пред неколку дена најави хуманитарна иницијатива – прекин на огнот кој би требало да почне на 8 мај, по повод одбележувањето на 80-годишнината од победата на Советскиот Сојуз во Втората светска војна, и би траел три дена.
Украинскиот претседател Володимир Зелснки го отфрли краткото примирје, порачувајќи дека постојаните руски напади докажуваат дека Кремљ не сака мир.
„Ние ги цениме човечките животи, а не парадите. Затоа веруваме дека нема причина да се чека до 8 мај“, кажа Зеленски.
Украина на 11 март порача дека го поддржува американскиот предлог за едномесечен целосен прекин на огнот, под услов да го прифати Русија. Москва засега тоа го одбива, истакнувајќи дека тоа само ќе му даде шанса на Западот да го вооружи Киев.
