Нападот со украински беспилотни летала, со кодно име „Пајажина“, бил планиран повеќе од една и пол година, соопштија украинските безбедносни служби, додавајќи дека нападите уништиле 34 отсто од руските стратешки бомбардери со крстаречки ракети и предизвикале штета од околу 7 милијарди долари.
Украинските безбедносни служби извршија масовен напад со беспилотни летала врз руските воени воздухопловни бази на илјадници километри од линијата на фронтот во неделата, во она што украинскиот претседател Володимир Зеленски го опиша како најголемата операција со долг дострел досега.
Операцијата, со кодно име „Пајажина“, бараше месеци подготовка и шверц на беспилотни летала на руска територија.
Украина тврди дека е предизвикана значителна штета, но во моментов е невозможно независно да се потврди ова.
Извор во безбедносната служба на Украина (СБУ) изјави дека во координираните напади биле погодени 41 авион што се користат за „бомбардирање на украински градови“, вклучувајќи стратешки бомбардери Ту-95 и Ту-22 и авиони за рано предупредување и контрола А-50.
Руското Министерство за одбрана потврди дека „неколку авиони се запалиле“ по нападот врз базите во регионите Мурманск и Иркутск, кои се наоѓаат во рускиот Арктик и источен Сибир.
Пожарите се под контрола и нема жртви, а осомничените се „уапсени“, соопшти министерството.
Во меѓувреме, руските медиуми објавија фотографија од сопственикот на камионот со беспилотни летала, 37-годишниот Артем Тимофеев, по кого е распишана потерница. Властите го бараат во регионот Иркутск, но порталот МК.ру пренесе дека потрагата се врши и во други делови на Русија.
🤔 Russian media published a photo of a man allegedly involved in the drone attack on Russian air bases: 37-year-old Artem Timofeev.
He was originally from Zhytomyr, lived in Chelyabinsk region and owned a car fleet.
SBU reported that all agents were already in Ukraine. pic.twitter.com/30uNrOuo5E
— MAKS 25 🇺🇦👀 (@Maks_NAFO_FELLA) June 2, 2025
Според објавените информации, Тимофеев е роден во Житомир или Доњецк, извесно време живеел во Киев, а пред неколку години се преселил во регионот Чељабинск. Во октомври минатата година отворил приватна фирма за превоз на стока, а потоа купил неколку возила.
Интервјуираните возачи на камионите од кои полетаа беспилотните летала што ги нападнаа аеродромите изјавија дека камионите му припаѓаат на Тимофеев. Тие имале задача да доставуваат конструкции за склопување на куќи од магацин во Чељабинск во различни региони на Русија.
This will be in textbooks.
Ukraine secretly delivered FPV drones and wooden mobile cabins into Russia. The drones were hidden under the roofs of the cabins, which were later mounted on trucks.At the signal, the roofs opened remotely. Dozens of drones launched directly from the… pic.twitter.com/sJyG3WyYYI
— Maria Avdeeva (@maria_avdv) June 1, 2025
Операцијата „Пајажина“ била подготвувана повеќе од 18 месеци, изјави извор во украинската СБУ, додавајќи дека логистиката била особено сложена.