Борци на СДФ изјавија за агенцијата Асошиејтед прес дека Русите почнале со враќање на опремата пред неколку дена, а СДФ моментално ја обезбедува руската база во близина на градот Камишли.
„Не знаеме дали дестинацијата на руската војска е Русија или воздухопловната база Хмејмим. Тие сè уште се присутни во Камишли и се евакуираат чекор по чекор“, изјави еден војник на СДФ.
Кремљ засега не се огласува за тоа.
Русија има дипломатски односи со новата влада на Сирија, и покрај тоа што поранешниот сириски претседател Башар ал Асад, кој беше соборен во 2024 година, е близок сојузник на Москва.
