Нападот се случил околу 11:40 часот по локално време во Индустриската област Харков. Бомбата погодила болница, пробивајќи го покривот на зградата, оштетила и куќа во близина.
Гувернерот на Харковскиот регион, Олех Синехубов, изјави дека четири лица се хоспитализирани.
Во последните месеци, Москва ги засили нападите врз Харков, вториот по големина град во Украина, кој се наоѓа на нешто повеќе од 20 километри од руската граница, како и врз помали населби низ целиот Харковски регион.
Ден претходно, на 24 јули, Русија исто така го нападна Харков со две лизгачки бомби. Во тој напад била погодена станбена зграда, повеќе од 40 луѓе биле повредени.
