Во март пак извозот е намален за 9,5 отсто во однос на февруари, на 1,4 милијарди кубни метри, што значи дека е испорачано најмалку гас од јуни минатата година, пресметале ТАСС. Во однос на минатогодишниот март обемот на испораки е намален за 1,9 отсто.
Во просек преку Турски тек во насока на Европа во март се доставени 45 милиони кубни метри гас дневно, за 1,9 отсто помалку од истиот месец минатата година. Во однос на февруари испораката на гас е намалена во просек за 18,4 отсто.
Гасоводот Турски тек се протега од Русија до Турција под Црно Море. почетната точка му е станицата Рускаја во близина на градот Анапа на брегот на Црно Море, а повторно излегува на брегот во Лулебургаз во европскиот дел на Турција.
Капацитетот изнесува 31,5 милијарди кубни метри гас, а ги снабдува Турција и земјите од јужна и југоисточна Европа. Во моментов е единствената активна рута за испораки на руски гас во Европа.
Во 2024 испораките на гас во Европа преку Турски тек пораснаа за 23 отсто, на 16,7 милијарди кубни метри, покажуваат пресметките на ТАСС. Повеќе од половина од тоа количество се испораки за Унгарија.
Русија лани преку гасоводи во Европа доставила вкупно 32,1 милијарди кубици гас, за 14 отсто повеќе отколку во 2023. Испораките на газ во Турција се зголемени за 2,6 отсто, на нешто повеќе од 21 милијарда кубни метри, а рускиот гас до турските купувачи пристигнува преку гасоводите Син тек и Турски тек.
