Како што пренесува Ројтерс, уште две лица биле тестирани, а двата потврдени случаи – обете државјанки на Индонезија, на возраст од 21 и 25 години – биле на лекување, соопшти Министерството за здравство.
Министерот за здравство Александру Рогобете изјави дека корисниците на бањата не треба да се грижат, бидејќи за пренос на болеста е потребна долга изложеност.
Една од пациентките неодамна се вратила од Азија, каде што поминала еден месец со својата мајка, која моментално е во болница со истата болест, изјави Рогобете, а пренесе државната новинска агенција Агерпрес.
Властите ја затворија бањата додека не заврши истрагата, соопштија здравствените власти.
Последниот потврден случај на лепра во Романија, позната и како Хансенова болест, бил откриен пред 44 години, соопшти Министерството.
