Министерството за одбрана на Романија соопшти дека можни фрагменти од беспилотни летала се пронајдени на околу пет километри во романската граница по нападот на Русија врз украинските пристаништа на Дунав во текот на ноќта.
Поради лошите временски услови, земјата-членка на НАТО не можеше да пушта борбени авиони, а на населението во погодената област му беше наредено да се евакуира, се вели во соопштението, објави Ројтерс.
Романија, која дели граница со Украина долга околу 650 километри, постојано забележува парчиња од руски беспилотни летала што паѓаат на нејзина територија и нарушувања на нејзиниот воздушен простор.
