Иако на политичкиот самит во 2019 година беше договорено заедничко решение за овој проблем, до денес ништо не се променило. Дејан Фуртула од еколошкото здружение „Еко центар“ исто така предупредува на ова. „Ова е јасен пример за недостиг од политичка волја и неактивност на сите надлежни институции во нашата земја, кои се состануваат година по година и ветуваат дека ќе го решат проблемот“, кажа Фуртула. „Сепак, како што гледаме, ваквите случаи на реката Дрина се повторуваат секоја година“, додаде тој.
Фуртула нагласи дека помеѓу 5.000 и 10.000 кубни метри разновиден отпад пловеле по Дрина до Вишеград оваа година. Ѓубрето вклучува пластични шишиња, парчиња дрво и мебел, рѓосани буриња, апарати за домаќинство, па дури и мртви животни.
Според Јуроњуз, особено е загрижувачки што меѓу отпадот се наоѓа и медицински материјал. „Ситуацијата е катастрофална“, предупредува Фуртула. „Дрина е богата со риба, но сега во неа се испуштаат многу различни токсини“, објасни тој.
Heavy rains and melting snow have washed tons of garbage into Bosnia’s Drina River, including plastic, medical waste and even dead animals. Activists warn the pollution threatens public health. pic.twitter.com/olKGEauzDx
— DW News (@dwnews) February 9, 2026
Реката е преполна со ѓубре кое доаѓа од нелегални депонии во горните текови на Дрина и нејзините притоки, вклучувајќи ги и оние во соседните Србија и Црна Гора. Проблемот е особено изразен во текот на зимските месеци, кога надојдените реки го измиваат отпадот од бреговите. Претставници на трите земји – Босна и Херцеговина, Србија и Црна Гора – ветија заеднички пристап за решавање на проблемот во 2019 година, но не е постигнат конкретен напредок.
Фуртула истакнува дека проблемот може да се реши со мапирање на нелегалните депонии и инсталирање камери во општините. Сепак, тој предупредува на „маѓепсан круг“ на загадување во неговиот град, каде што собраното ѓубре завршува на локалната депонија, каде што полека се согорува и испушта токсични честички во атмосферата.
