„Без итна акција за прекин на опсадата и дозволување храната и лековите да влезат во Газа, еден милион деца се изложени на ризик од глад, болест и на крај смрт“, рекоа тие, додавајќи дека израелската војна и целосната блокада на помошта и стоките ги принудила семејствата да преземат „незамисливи мерки за да преживеат“.
Во соопштението, „Спасете ги децата“ вели дека нивниот персонал добил информации за семејства во северна Газа што прибегнуваат кон јадење добиточна храна, брашно со поминат рок и брашно измешано со песок, во очај да преживеат.
„Знаеме што е глад – ја вкусивме смртта“, рече 25-годишна мајка на четири деца во северниот дел на Газа. „Нашите деца само го чекаат својот ред да умрат“.
Регионалниот директор на „Спасете ги децата“ за Блискиот Исток, Северна Африка и Источна Европа, Ахмад Алхендави, ја опиша ситуацијата како „намерна хуманитарна катастрофа“ и „криза на пристап“.
„Децата се изгладнуваат намерно, под целосна опсада на израелските власти. Имаме храна, имаме помош и знаеме како да ја третираме неухранетоста кај децата – она што го немаме е пристап“, рече Алхендави.
„Во секој момент во Газа, некое дете, нечиј цел свет, може да биде убиен со бомби и куршуми, со глад и болести. Меѓународната заедница мора да дејствува веднаш за да ги отвори премините и да ја достави помошта што спасува животи. Не можеме да стоиме настрана додека целото население гладува пред очите на сите.“
