Делегацијата ја предводи помошникот на рускиот претседател Владимир Медински.
Во делегацијата се и заменик-министерот за надворешни работи на Русија Михаил Галузин, началникот на Главната дирекција на Генералштабот на руската војска Олег Костјуков и заменик-министерот за одбрана Александар Фомин.
Исто така, назначен е и тим од експерти кои ќе учествуваат во преговорите.
Директните преговори меѓу двете страни ќе се одржат во четврток во Истанбул, пренесува Спутник.
Медински ја предводеше руската делегација во преговорите со Киев во 2022 година исто така во Истанбул.
