Според кадрите од документарниот филм „Русија. Кремљ. Путин. 25 години“, неговиот апартман се наоѓа многу блиску до канцеларијата, што се гледа на снимката објавена на социјалните мрежи.
Putin showed journalist Pavel Zarubin his apartment in the Kremlin and admitted that he has been spending the night there almost every day for the past 3 years. pic.twitter.com/dhvhXLMXlK
— Ukraine/Russia News (@UKRRUSNews) May 1, 2025
„Да, ова е станот“, вели Путин, отворајќи ја вратата и поканувајќи го Зарубин да влезе. „Како што гледате, не е далеку“.
Во други делови од филмот, објавени претходно, шефот на руската држава признал дека во последните три години ноќите главно ги минува во Кремљ.
Путин ги покажал и библиотеката и двете спални соби, а на снимката се гледа дневната соба со портретот на царот Александар Трети, кон кој рускиот претседател повеќе пати искажал восхит.
Документарниот филм „Русија. Кремљ. Путин. 25 години“ ќе биде целосно прикажан во недела, 4 мај.