Британското Министерство за одбрана го окарактеризира чинот како „вандализам“. Групата Палестинска акција објави на мрежата Икс дека упаднала во базата на РАФ Бриз Нортон во Оксфордшир.
На видеото споделено на интернет, може да се види како еден од активистите се приближува до авионот со скутер додека во позадина се слуша музика. На земјата може да се види црвена боја.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
„Остро го осудуваме овој вандализам врз имотот на Кралските воздухопловни сили. Тесно соработуваме со полицијата која ја спроведува истрагата“, соопшти Министерството за одбрана.
„Нашите вооружени сили го претставуваат најдоброто што Велика Британија може да го понуди. Тие ги ризикуваат своите животи за нас, а нивната посветеност на должноста, посветеноста и несебичната лична жртва се инспирација за сите нас. Наша одговорност е да ги поддржиме оние што нè бранат“, се додава во соопштението.
