Тој изјави дека добил потврда за овие проценки за време на неодамнешниот состанок со Врховниот командант на сојузничките сили во Европа, Алексус Гринкевич.
„Американците сериозно се подготвуваат за ситуација која не претставува директна воена закана. Ова не се трагични предвидувања, но и Вашингтон и мојот гостин, генерал Гринкевич, се убедени дека глобалните противници на Западот, а во случајот со Полска, тоа е првенствено Русија, ќе бидат подготвени за конфронтација во 2027 година“, рече Туск за време на состанокот со жителите на градот Пабјанице во централна Полска, пренесува Полското радио.
Тој ги повика граѓаните да бидат подготвени за секаква можност.
„Полска и Европа, но пред сè Полска, мора да бидат подготвени за различни околности во следните две години“, нагласи Туск.
Според него, најсериозните закани за Полска и Европа се граничните тензии, надворешните закани и обидите за внатрешна дестабилизација.
Тој најави значајни инвестиции во одбраната и полската воена индустрија за зајакнување на безбедноста на земјата.
