Пожарот, кој зафати област со големина на Париз во текот на едно попладне и една ноќ, сè уште гори, што го прави втор најголем пожар во Франција во последните 50 години.
Францускиот премиер Франсоа Бајру, кој го посети подрачјето, го опиша пожарот како „катастрофа од невидени размери“.
„Ова што се случува денеска е поврзано со климатските промени и сушата“, изјави тој.
Во пожарот што избувна во вторникот попладне изгореа 16.000 хектари. Пожарот започна во селото Рибо во регионот Од, ширејќи се низ руралната, пошумена област Корбиер, позната по своите лозја и средновековни села.
Една жена почина во својот дом, а едно лице е во критична состојба со тешки изгореници, соопшти префектурата Од. Повредени се и неколку пожарникари. Најмалку 25 куќи се уништени или оштетени. Полицијата ја истражува причината за пожарот.
Министерството за животна средина соопшти дека пожарот уништил иста количина земја за 24 часа колку што шумските пожари обично уништуваат низ Франција за една година.
Локалните власти соопштија дека шумскиот пожар сè уште бил „многу активен“ во средата.
A massive forest fire in Aude, southern France 🇫🇷 (06.08.2025)
Over 16,000 hectares have burned, and 25 houses and 40 cars have been destroyed. pic.twitter.com/4lBrldVWAd
— Disaster News (@Top_Disaster) August 6, 2025
„Пожарот напредува во област каде што се создадени сите услови за негово ширење. Ги следиме рабовите и задниот дел од пожарот за да спречиме негово разгорување“, изјави Генералниот секретар на префектурата Од.
Vision apocalyptique près de Narbonne.
La France n’a pas les moyens d’entretenir les canadairs ni d’en acheter d’autres, mais notre mafia politicienne continuent de balancer des centaines de Millions à des pays étrangers, ainsi qu’à une immigration massive qui nous déteste !… pic.twitter.com/aGYSj1lr6y— Franck Montana (@FranckMont94683) August 6, 2025
Властите, исто така, соопштија дека се очекува временските услови да останат неповолни поради силните ветрови, зголемувањето на температурите и сувата вегетација во областа.
Жителите и туристите беа замолени да останат во своите домови освен ако пожарникарите не им кажат да ги напуштат. Некои туристи кои беа евакуирани од камповите ја поминаа ноќта во општинските згради.
Incendie dans l’Aude : 16 000 hectares brûlés, 1 mort, 15 communes touchées
Ribaute (Aude), 6 août 2025
Un incendie d’une ampleur exceptionnelle ravage le massif des Corbières depuis mardi après-midi. Selon la préfecture de l’Aude, le feu, toujours actif et non maîtrisé, a déjà… pic.twitter.com/kOVcWzAxkE— D.D Conscience (@DDGraphisme) August 6, 2025
Францускиот претседател Емануел Макрон напиша на социјалните мрежи: „Мобилизирани се сите национални ресурси“. Тој ги повика луѓето да бидат „максимално внимателни“.
Регионот Од, особено во последниве години, бележи зголемување на бројот на шумски пожари, влошени од ниските врнежи од дожд и отстранувањето на лозјата, што порано го забавуваше нивното ширење.
