Судот во Сеул утврди дека поранешниот претседател се спротивставувал на обидите на властите да го приведат. Јун не реагираше на пресудата, но претходно изјави дека обвиненијата против него се политички мотивирани.
Јун беше уапсен во јануари минатата година, а во април беше разрешен од функцијата претседател, откако Уставниот суд го прифати неговиот импичмент.
Декретот за воведување вонредна состојба беше во сила само неколку часа.
Тој се товари дека вовел вонредна состојба без почитување на пропишаната законска процедура, како и дека незаконски распоредил приватна војска, која требало да го спречи неговото апсење во претседателската резиденција во почетокот од јануари.
Дел од обвиненијата против поранешниот претседател предвидуваат смртна казна или доживотен затвор.
Актуелниот претседател на Јужна Кореја, Ли Џае-Мјунг, во јуни го одобри законот за покренување сеопфатни специјални истраги за обидот за воведување вонредна состојба.
