Тој предупредува и дека актуелните разговори меѓу американскиот претседател Доналд Трамп и Владимир Путин може да резултираат со договори кои целосно ќе ја заобиколат Европа и ќе ја остават без влијание на клучните меѓународни прашања. „Европа мора да ја преземе одговорноста за сопствената судбина – да ги зајакне одбранбените капацитети и да почне силни информативни кампањи кои на граѓаните ќе им ги приближат вистинските закани“, смета Савостјанов.
Отј во разговор за италијанскиот весник Кориере дела сера јасно ги предупредува европските лидери: „Денес сте под притисок на две сили – Русија и новата верзија на САД – кои длабоко ги презираат вашите темелни вредности“.
„Она што ги обединува е тоа што ве сметаат за заеднички непријател. На некој начин, вие сте опколени. Се плашам дека вие не сте навистина свесни за опасноста на која сте изложени – првенствено за опасноста да станете небитни, а со тоа и да ги изгубите сопствените демократски вредности“.
Според него, нов глобален поредок е неизбежен, особено поради одлуката на САД да се повлече од активната улога во меѓународните односи. „Европа мора да го врати својот статус на глобален политички актер ако сака самостојно да ја гарантира сопствената безбедност“, смета Савостјанов.
Тој тврди дека долгорочната амбиција на Путин е да ѝ го врати на Русија глобалното влијание кое го немала од распадот на СССР. „Путин сака да влезе во историјата како „голем собирач на руските земји“, оној кој го свртел распадот на империјата кој почнал уште во 1867 година со продажбата на Алјаска на Соединетите Држави“.
Таа цел, според него, вклучува територијални амбиции кон Одеса, Приднестровие и Кишинев, како и забрана за какви било европски сили на украинско тло.
Савостјанов истакнува дека, ако Европа продолжи по досегашниот политички пат, Кина ќе преземе доминантна улога во новиот светски поредок. „Русија во тој случај ќе стане заменик на Пекинг. А Европа, свесно или несвесно, ќе се помири со фактот дека е подредена на сојузот меѓу Кина, Русија и нивните сојузници“.
