Во селото Брачан, во општина Крмин, веднаш крај словенечката граница, одрон затрупал и урнал трикатна зграда. Спасувачките екипи успеале да извлечат едно лице од урнатините, додека по двајца жители сè уште се трага, пишува порталот 24ур.
На местото на несреќата веднаш се испратени бројни возила за спасување и хеликоптер. Спасувачите извлекле едно лице со скршена нога од под урнатините, кое било пренесено во болницата во Видем.
❌#Maltempo #Gorizia, prosegue intervento #vigilidelfuoco nell’abitato di Versa, frazione di Romans d’Isonzo: con natanti e l’elicottero del reparto volo di Venezia, in corso operazioni di soccorso delle persone rifugiatesi sui tetti delle case [#17novembre 10:30] https://t.co/iuRRD4hGeg pic.twitter.com/1Q6Jn68FuT
— Vigili del Fuoco (@vigilidelfuoco) November 17, 2025
Поради опасност од нови одрони, властите евакуирале неколку семејства од Виа сан Џорџо. Градоначалникот на Крмин, Роберто Фелкаро, ја потврди сериозноста на ситуацијата: „Врнеше многу синоќа, многу. За жал, некои луѓе се водат како исчезнати.“
Екстремното количество врнежи, каде што само во Крмин паднале 152 милиметри дожд за шест часа, предизвика излевање на реките.
⛈️Nella notte allagamenti a San Vito al Torre (UD) a causa delle precipitazioni che hanno colpito l’Udinese. Video di Fiore per “Segnalazioni Meteo PMG”.
Tra Udine e Gorizia caduti localmente in 24 ore anche 250 mm di pioggia. A Cormons 262 mm di pioggia. pic.twitter.com/pAstN3CQC9
— Italia 24H Live 🔴 – Notizie dall’Italia (@Italia24HLive) November 17, 2025
Реката Идрија го излеала своето корито и предизвикала големи поплави, додека реката Тер го поплавила селото Верса во близина на Вилеш. Поради тешката ситуација на терен, спасувачи од соседна Венеција биле мобилизирани и за да помогнат на загрозеното подрачје.
Ситуацијата во Верса е особено драматична. Бројни жители побарале засолниште на покривите од своите куќи, каде што чекаат евакуација. Пожарникарите интервенираат со мали чамци и хеликоптер за да стигнат до заробените луѓе.
Снимките од воздух го откриваат обемот на штетата во поплавеното подрачје. Пристапот до погодените подрачја е ограничен, а бројни патишта и мостови се затворени за сообраќај.
