Во пост на социјалната мрежа Икс Туск го објасни својот став за пораката на Трамп. „Претседателот Трамп кажа дека Украина, со поддршка на Европската Унија, може да ги врати сите свои територии. Сепак, под овој неочекуван оптимизам, се крие предупредување за намаленото вклучување на Соединетите Американски Држави и префрлање на одговорноста за завршување на војната на Европа. Вистината е подобра од илузиите“, напиша Туск.
Prezydent Trump stwierdził, że Ukraina może, ze wsparciem Unii Europejskiej, odzyskać całe swoje terytorium. Za tym zaskakującym optymizmem kryje się zapowiedź mniejszego zaangażowania USA i przerzucenie odpowiedzialności za zakończenie wojny na Europę. Lepsza prawda niż iluzje.
— Donald Tusk (@donaldtusk) September 25, 2025
Трамп неодамна ја изненади јавноста со пораката дека Украина може да ги врати сите свои територии, а „можеби дури и да оди подалеку“. Францускиот претседател Емануел Макрон ја оцени таа изјава како позитивен сигнал и доказ за нова визија на Трамп за конфликтот.
Сепак, медиумските извештаи наведуваат дека европските претставници ја примиле пораката на американскиот претседател со многу претпазлив оптимизам. Слична беше и изјавата на германскиот министер за надворешни работи Јохан Вадефул, кој кажа дека Европа мора да „порасне“ и да ја зајакне својата поддршка на Украина.
