„Ако Германија ги гони оние кои се во Полска и кои го уништија изворот на приход за руската воена машинерија, тогаш гледаме јасен конфликт меѓу интересите на Полска и Германија“, кажа Ценцкевич.
Тој додаде дека, според мислењето на Варшава, истрагата нема смисла – не само поради полските интереси, туку и „поради интересите на НАТО“.
Интересно е што Полска претходно одби да го екстрадира Украинецот Владимир З., кој е обвинет за учество во саботажата на гасоводот, а премиерот на земјата Доналд Туск изјави дека не е во интерес на Полска да го екстрадира обвинетиот, поради што копретседателката на Алтернатива за Германија (АфД) Тина Крупала праша дали Полска можеби била вклучена во терористичкиот напад.
Портпаролката на руското министерство за надворешни работи Марија Захарова претходно изјави дека обидите за нападот врз толку големи инфраструктурни објекти да се обвинат аматери и да се „прикријат трагите“ кои водат до западните специјални служби се едноставно неубедливи.
Полскиот суд на 7 октомври пресуди дека Владимир З. мора да остане во притвор уште 40 дена во исчекување на одлуката за негова евентуална екстрадиција во Германија врз основа на европска потерница, иако германските власти изјавија дека тој директно учествувал во експлозијата на гасоводот.
Експлозиите на двата руски гасоводи за извоз во Европа Северен тек и Северен тек 2, се случија на 26 септември 2022 година. Германија, Данска и Шведска во тоа време изјавија дека веројатно станува збор за намерна саботажа.
