„Пет членови на безбедносните сили беа убиени во терористички напад во областа Сараван, во јужната провинција Систан-Белуџистан“, која дели долга граница со Пакистан и Авганистан, објави новинската агенција Фарс.
Регионот, еден од најсиромашните во Иран, е населен со претежно сунитско население, кое е малцинство во таа претежно шиитска земја.
Десет полицајци беа убиени во напад во областа на крајот на октомври. Одговорноста потоа ја презеде сунитската џихадистичка група Џаиш ал Адл, која е активна во тој регион и чие седиште е во Пакистан.
Оттогаш иранските сили започнаа голема операција. Вкупно, од почетокот на таа операција досега се убиени 15 бунтовници, а 33 се уапсени.
