Претходно денеска француската телевизија БФМ објави дека еден маж е уапсен во парискиот регион во средата навечер, и дека е осомничен дека бил на местото на злосторството на 19 октомври, кога се случил грабежот.
Двајцата мажи беа уапсени минатиот викенд и „делумно ја признаа“ својата вмешаност во грабежот, соопшти канцеларијата на парискиот обвинител во средата.
Француската радио станица РТЛ објави дека пет нови осомничени биле уапсени истовремено во различни делови од главниот град во средата навечер, повикувајќи се на судски извори.
Грабежот откри безбедносни пропусти во најпосетуваниот музеј во светот и од многумина беше сфатен како национално понижување.
Обвинителството во средата соопшти дека не ја исклучува можноста за поголема банда, вклучително и можноста за лице што ја нарачало кражбата и било главен организатор.
Уапсен и главниот осомничен
Еден од петте уапсени мажи бил главната цел на истражителите. „Постои ДНК што, според нашето мислење, го поврзува со извршената кражба“, објасни париската обвинителка Лор Бекуау. АФП, исто така, објави дека главниот осомничен е меѓу новите петмина уапсени.
Се очекува преостанатите четворица да можат да дадат клучни информации за текот на грабежот. Апсењата се извршени на различни локации во и околу Париз, вклучувајќи го и департманот Сен-Сан Дени.
