„Таква средба, како резултат на работата на делегациите на двете страни, по постигнување на одредени договори меѓу овие делегации, е можна.“ (Ние) сметаме дека тоа е можно“, рече тој, пренесува ТАСС.
Песков рече дека двете земји се согласиле да разменат списоци со услови за прекин на огнот и дека работата на тоа е во тек.
Тој додаде дека преговорите меѓу Русија и Украина се во тек и треба да се водат зад затворени врати и дека засега се разговара за постигнување на тие договори, пренесува РИА Новости.
Песков нагласи дека делегацијата предводена од помошникот на Путин, Владимир Медински ќе продолжи да води преговори со Украина и дека од преговорите во Истанбул, кои се одржаа во петокот, нема контакти меѓу лидерите на Русија и САД.
Украинскиот министер за одбрана и шеф на украинската делегација, Рустем Умеров, потврди по разговорите во петокот дека руската и украинската делегација денеска разговарале за можна средба меѓу претседателите на тие земји, Володимир Зеленски и Владимир Путин, како и за прекин на огнот и размена на илјада воени заробеници.
Турскиот министер за надворешни работи Хакан Фидан во петокот изјави дека руската и украинската делегација на разговорите во Истанбул „во принцип“ се согласиле повторно да се сретнат.
