недела, 6 април 2025

Песков: Не е планирана средба Путин-Трамп во Саудиска Арабија

Можната посета на претседателот на Соединетите Американски Држави Доналд Трамп на Саудиска Арабија, која се очекува во следните недели, нема никаква врска со рускиот претседател Владимир Путин, соопшти денес портпаролот на Кремљ Дмитриј Песков и додаде дека во оваа фаза не е планиран состанок на двајцата лидери.

Фото: ЕПА

Објавено на

часот

Сподели

Трамп во понеделникот кажа дека можеби ќе отпатува во Саудиска Арабија „уште следниот месец“, што би било негово прво патување во странство од враќањето во белата куќа во јануари годинава.

Американскиот претседател во февруари кажа дека веројатно во Саудиска Арабија ќе се сретне со својот руски колега, не наведувајќи конкретен датум.

Саудиска Арабија беше домаќин на неодамнешните разговори на руската и американската делегација за конфликтот во Украина.

Песков и во понеделникот кажа дека патувањето на Трамп нема никаква врска со Путин, а денес повторни дека рускиот претседател нема такви планови.

„Ништо не е јасно утврдено во врска со датумот и локацијата на можниот состанок на Путин и Трамп. Ги продолжуваме контактите на различни нивоа и преку различни канали“, кажа Песков.

Последниот состанок на Трамп и Путин се одржа во Хелсинки во 2018 година.

ТОП ВЕСТИ

ПОСЛЕДНИ ВЕСТИ