„Она што го спроведува Израел не е чиста агресија, тоа е воено злосторство и злосторство против човештвото, кое ќе биде запишано на страниците на историските книги и во совеста на човештвото како едно од најстрашните поглавја од хуманитарната трагедија од 20-ти и 21-ви век“, кажа Абас на кого Соединетите Американски држави му го одбија барањето за виза.
Палестинскиот претседател кажа дека Палестинците го одбиваат антисемитизмот и дека упадот на Хамас на израелска територија од 7 октомври не го претставува палестинскиот народ.
„Го отфрламе она што Хамас го направи на 7 октомври, тоа не го претставува палестинскиот народ, ниту неговата праведна борба за слобода и независност“, кажа Абас.
Палестинскиот претседател додаде дека Хамас не треба да има никаква улога во идното палестинско раководство.
