„Покрај овозможувањето анонимни телефонски повици со закани, овие уреди можат да се користат за извршување низа телекомуникациски напади“, соопшти Тајната служба, која е задолжена за заштита на високите американски политички личности.
„Ова вклучува оневозможување на антените на мобилната телефонија, овозможување напади со ускратување на услуга и олеснување на анонимни и шифрирани комуникации помеѓу потенцијално злонамерни актери и криминални организации“, се наведува во соопштението.
Претседателот Доналд Трамп одржа говор во седиштето на Обединетите нации денес за време на неделата состаноци на високо ниво на Генералното собрание на ОН, на кое учествуваат лидери од речиси сите земји.
Тајната служба објави дека запленетите електронски уреди се наоѓале во радиус на приближно 50 километри од комплексот згради во центарот на Њујорк, каде што се наоѓа и седиштето на ОН.
The Secret Service dismantled a network of more than 300 SIM servers and 100,000 SIM cards in the New York-area that were capable of crippling telecom systems and carrying out anonymous telephonic attacks, disrupting the threat before world leaders arrived for the UN General… pic.twitter.com/sZKUeGqvGY
— U.S. Secret Service (@SecretService) September 23, 2025
Федералната агенција објави фотографии од десетици кутии со СИМ-картички што кои се поврзани со електронски уреди и фотографии од некои од тие уреди.
„Со оглед на времето, местото и потенцијалот за значителни нарушувања на телекомуникациите во Њујорк, агенцијата дејствуваше брзо за да ја демонтира таа мрежа“, се наведува во соопштението.
Иако анализата на уредите и истрагата се сè уште во тек, „првичните анализи укажуваат на постоење на комуникации меѓу државни актери кои претставуваат закана за Соединетите Американски Држави и лица познати на органите за спроведување на законот“, се заклучува во соопштението.
