Дуров реагираше на изјавите на Макрон во кои ја критикуваше одлуката на САД да воведе забрана за визи за поранешниот комесар на ЕУ Тиери Бретон. Основачот на Телеграм го опиша Бретон како „санкциониран архитект на законот за цензура на ЕУ“ и „близок сојузник на Макрон“.
„Соочен со ултра ниски рејтинзи, Макрон се обидува да ги замолчи онлајн критичарите со тоа што ќе ја претвори целата ЕУ во дигитален гулаг – преку цензура (ДСА) и масовен надзор (Чет контрол)“, рече Дуров.
Тој исто така потсети на претходната изјава на Макрон дека Европејците „тотално грешат што ги користат социјалните мрежи за информации“ и дека треба да се потпрат на традиционалните медиуми и новинари.
Законот за дигитални услуги (ДСА) е сеопфатен закон на ЕУ кој бара од големите технолошки платформи да преземат значајни чекори за справување со нелегалната и штетна содржина. Од друга страна, планот на Европската комисија, познат како Чет контрол, би наложил масовно скенирање и други мерки за разбивање на енкрипцијата на приватните комуникации.
Дуров, во март објави дека ја напуштил Франција, каде што беше под истрага, со судска дозвола и се вратил во Дубаи.
