Унгарскиот премиер денеска објави, речиси синхронизирано со обвинувањата на шефот на дипломатијата Петер Сијарто, видео на платформата Икс во кое тој тврди дека американскиот претседател Доналд Трамп препознал дека Будимпешта „нема алтернатива за рускиот гас и нафта“.
„Унгарија нема излез на море. Како што претседателот Доналд Трамп правилно истакна: не можеме да бидеме обвинети за недостатокот на морски пристаништа или алтернативни нафтоводи и го цениме неговото препознавање на оваа реалност“, рече тој.
Трамп претходно изјави дека сите европски земји треба да престанат да купуваат руски енергетски производи.
„Ако бидеме отсечени од руската нафта и гас, нашата економија би паднала за 4 проценти, семејствата би страдале, а сметките за енергија би се зголемиле нагло. Нема да се поклониме пред барањата на Брисел – нашата енергетска безбедност и нашите семејства мора да бидат на прво место“, додаде Орбан, пренесува ХРТ.
