Во писмото Орбан тврди дека нема техничка или оперативна причина за прекин на испораките на нафта, што, според него, е потврдено со неодамна објавените сателитски снимки. „Недостигот од волја на Украина за повторно отворање на нафтоводот Дружба произлегува исклучиво од политички причини, со намера да се меша во тековната унгарска изборна кампања“, смета унгарскиот премиер.
Тој додаде дека минатата недела Унгарија и Словачка се обиделе да најдат дипломатско решение. „Меѓу другото, предложивме мисија за утврдување на фактите со учество на експерти од Унгарија и Словачка за да се процени состојбата на нафтоводите во Украина. Сите наши напори беа одбиени“, напиша тој.
We will not give in to President @ZelenskyyUa’s blackmail❗️
Today, I called on President @vonderleyen to enforce the EU-Ukraine Association Agreement, which obliges Ukraine to allow oil shipments to Hungary.
Read my full letter addressed to her below👇
Dear Madam President,
— Orbán Viktor (@PM_ViktorOrban) March 3, 2026
Затоа Орбан ја повикува Европската комисија да „поддржи Унгарија во неутрализирањето на енергетското оружје што го користи Украина“. „Очекувам Европската комисија да го зголеми политичкиот притисок врз Украина за да не ја поткопа енергетската безбедност на Унгарија и Словачка“, се наведува во писмото.
Дополнително, тој бара Комисијата да ги спроведе релевантните одредби од Договорот за асоцијација меѓу ЕУ и Украина, наведувајќи дека правните лекови нема да донесат резултати на краток рок. Тој го завршува писмото со јасна порака. „Не можеме да прифатиме странско мешање во нашите демократски процеси и ќе ги отфрлиме сите такви обиди“, напиша тој.
Тој објави и дека Унгарија нема да ги поддржува одлуките на Европската Унија во корист на Украина сè додека ситуацијата не се реши. „Во тој дух, сакам да ве известам дека сè додека Украина не се врати во нормала, не сум во позиција да поддржам никаква одлука во Европската Унија која е во корист на Украина“, заклучува Орбан.
