„Војна или мир? Трамп сака мир, затоа ќе разговара со Путин следниот петок. Сега и европските лидери имаат шанса. Тие ја пропуштија можноста за мир, но сега можат да ја поправат ситуацијата. Сè што им треба е да го поддржат претседателот Трамп. Се надевам дека нема да ја пропуштат“, порача Орбан на социјалните мрежи.
Објаснувајќи го ставот на Унгарија, тој истакна дека е во нејзин интерес да се запре крвопролевањето во Украина, да се укинат западните санкции против Русија и да се врати нормалното функционирање на светската економија.
Орбан претходно ги повика лидерите на водечките европски земји, вклучувајќи ги Франција и Германија, да одржат состанок на највисоко ниво меѓу Русија и Европа по руско-американскиот самит и, доколку е потребно, „да отпатуваат во Москва за таа цел“.
