„Напуштањето на традиционалните вредности, непочитувањето на здравиот разум и лошото управување доведоа до вкоренување на варварството во татковината на една од најголемите европски нации. Криминалните банди користат малолетни девојчиња како инструменти за убиство.
Мисијата на владеењето на правото е да ја обезбеди безбедноста на нашите луѓе. Таму каде што малолетните девојчиња систематски се користат за убиство, владеењето на правото е мртво. Шведска е наш пријател, а шведскиот народ е голема и благородна нација. Загрижени сме за вас! Бог да ја благослови Шведска“, напиша Орбан на социјалната мрежа Икс.
The abandonment of traditional values, the neglect of common sense, and weak governance have led to barbarism taking root in the home of one of Europe’s greatest nations. Criminal gangs are using underage girls as instruments of killing.
The mission of the rule of law is to… https://t.co/X2X1Buh60Y
— Orbán Viktor (@PM_ViktorOrban) September 15, 2025
Орбан наиде на невообичаено остри критики од Шведска откако го критикуваше законот и редот во земјата, велејќи дека системот „пропаѓа“. Во видео за кампањата објавено на Икс, Орбан ја критикуваше земјата членка на ЕУ, велејќи дека шведската влада ѝ држи предавања на Унгарија за владеењето на правото додека нејзиниот јавен ред пропаѓа.
Унгарскиот премиер алудираше на бандитски злосторства во Шведска, во кои често се вклучени тинејџери регрутирани од мрежи на организиран криминал.
Повикувајќи се на текст во германскиот дневен весник Велт, Орбан напиша со видеото: „Криминалните мрежи ги користат шведските деца како убијци, знаејќи дека системот нема да ги осуди. Земјата некогаш позната по јавниот ред и безбедноста пропаѓа“.
Орбан изјави дека 284 малолетници биле уапсени во Шведска за убиство, но шведскиот премиер Улф Кристерсон го нарече тоа „скандалозни лаги“. „Ништо не е изненадувачки од човек кој го демонтира владеењето на правото во сопствената земја“, напиша Кристерсон, додавајќи дека Орбан очајно се обидува да обезбеди гласови пред унгарските избори следната година.
Според статијата на Велт, минатата година биле отворени прелиминарни истраги против околу 280 девојчиња на возраст меѓу 15 и 17 години за убиство, убиство од небрежност или други насилни злосторства, не објаснувајќи дали вкупниот број се однесува на поединечни злосторства.
