Орбан го објави ова на социјалната мрежа Икс, заедно со фотографија стилизирана како насловна страница на списанието Тајм, посветена на повлекувањето на поранешниот американски претседател Џо Бајден од изборната трка во 2024 година, на која е прикажана Фон дер Лаен со текстот – „Време е да си оди“.
Time to go. pic.twitter.com/utLYFKQz6b
— Orbán Viktor (@PM_ViktorOrban) July 9, 2025
Орбан на Икс истакна дека „утре ќе биде турбулентен ден во Европскиот парламент и дека европратениците ќе гласаат дали Фон дер Лаен треба да продолжи да ја води бриселската бирократија“.
„Гласањето беше закажано поради корупциските скандали што се трупаат околу претседателката, но сите знаеме дека корупцијата е само врвот на сантата. Ова е повеќе од тоа. Станува збор за компетентноста, резултатите и иднината на Европа“, рече Орбан.
Потоа тој го изложи билансот на состојба на Европската комисија под Фон дер Лаен.
„Европската конкурентност е во урнатини, европските цени на енергијата отидоа во небо, нелегалната миграција е надвор од контрола, родовата идеологија е задолжителна, војната во Украина е мелница за месо, европските земјоделци се на работ на опстанок, а бесмислената зелена идеологија е на својот врв. Утре доаѓа моментот на вистината: од едната страна, бриселската империјална елита, на другата, патриотите и здравиот разум. Нема избегнување, мора да се направи избор. Госпоѓо претседателке, лидерството подразбира одговорност. Време е да си одите“, порача Орбан.
Tomorrow will be a turbulent day in the European Parliament. MEPs will vote on whether Ursula von der Leyen should continue to lead the Brusselian bureaucracy. The vote was scheduled due to the corruption scandals piling up around the President, but we all know that corruption is… pic.twitter.com/YkGpHBkpdG
— Orbán Viktor (@PM_ViktorOrban) July 9, 2025
Неговиот повик доаѓа откако повеќе од 70 европратеници ја поддржаа иницијативата за недоверба на фон дер Лаен на 27 јуни.
Европарламентарците дебатираа за иницијативата во понеделникот и треба да гласаат за неа утре.
Судот на правдата на ЕУ ја прогласи претседателката на Европската комисија, Урсула Фон дер Лаен, за одговорна за прикривање информации за договори за купување вакцини против ковид-19 во периодот 2021-2023 година.
Судот одлучуваше дали Комисијата ги прекршила правилата за транспарентност со тоа што одбила да ја објави содржината на телефонскиот разговор меѓу Дон дер Лаен и извршниот директор на Фајзер, Алберт Бурл, кога беше договорен договорот за вакцини против ковид вреден повеќе милијарди евра.
