„Бриселските бирократи бараат да плаќаме по еден милион евра секој ден за да ги браниме нашите граници и да ја заштитиме Европа од нелегална миграција. Ова е апсурдно“, напиша Орбан на социјалната мрежа Икс. Тој истакна дека заштитата на унгарските граѓани е бесценета и дека ниедна казна никогаш не може да се спореди со реалната цена за пуштање мигранти во земјата.
Brusselian bureaucrats demand we pay €1 million every single day for defending our borders and protecting Europe from illegal migration. This is absurd! Protecting our people is priceless — no fine can ever match the true cost of letting migrants in. The EU elites who impose… pic.twitter.com/f5quqRAPIo
— Orbán Viktor (@PM_ViktorOrban) September 16, 2025
„Европските елити кои ги изрекуваат овие казни мора да си одат“, додаде Орбан, повторувајќи го ставот дека политиката на Будимпешта е насочена првенствено кон зачувување на безбедноста и независноста на Унгарија. Пораката на Орбан доаѓа во време кога Европската комисија го засилува притисокот врз земјите членки кои одбиваат да ги усогласат своите миграциски политики со заедничките европски правила.
Минатата година Европскиот суд ја казни Унгарија со 200 милиони евра за кршење на европските закони за азил. Покрај казната од 200 милиони евра, пресудата предвидува дека Унгарија ќе биде казнета со дополнителен милион евра дневно додека не се усогласи со пресудата.
Ако Будимпешта одбива да ги плати казните, тие можат да бидат одбиени од нејзиниот дел од буџетот на Европската Унија.
