Според агенцијата, податоците споделени меѓу поштенските оператори покажуваат дека сообраќајот кон САД е намален за 81 отсто во петокот, 29 август, во споредба со претходниот петок.
„Покрај тоа, 88 поштенски оператори соопштија дека ги прекинале сите или дел од нивните поштенски услуги кон САД, во очекување на решение“, соопшти агенцијата на ОН.
Меѓу овие компании се германската „Дојче пост“ и британскиот поштенски оператор „Ројал мејл“.
Поштенска агенција на Обединетите нации, чие седиште е во Берн, главниот град на Швајцарија, е основана во 1874 година и има 192 земји-членки. Таа ги утврдува правилата за меѓународна поштенска размена и дава препораки за подобрување на услугите.
Со извршна наредба од 30 јули, американската администрација одлучи, која стапува на сила на 29 август, да го укине ослободувањето од царина претходно доделено на мали поштенски пакети (пратки на стока со вредност еднаква или помала од 800 долари).
Оттогаш, овие пакети подлежат на истите царински стапки како и оние што се применуваат за други увози од земјите на потекло. На пример, 15 отсто за земјите од Европската Унија (ЕУ) и 50 отсто за Индија.
Само пратките меѓу поединци во вредност помала од 100 долари остануваат без царина.
Покрај краткиот рок за спроведување на одлуката, главниот проблем лежи во фактот што декретот бара „превозниците и другите овластени страни однапред да собираат царински давачки од шпедитерите и да ги префрлаат консолидираните износи во Бирото за царинска и гранична заштита на САД“, соопшти агенцијата на ОН кон крајот на август.
Американскиот претседател Доналд Трамп ја оправда одлуката со желбата да „затвори катастрофална дупка во законот што се користи, меѓу другото, за избегнување царински давачки и испорака на синтетички опијати и други опасни производи“.
Мерката на САД, првично донесена на почетокот на 2025 година, беше насочена само кон Кина и Хонг Конг, како дел од мерките на администрацијата на Трамп против гигантите за електронска трговија Шејн и Тему. Таа е проширена на сите земји за наводно да се обезбеди нејзината ефикасност.
