Видеата и фотографиите на социјалните мрежи покажуваат демонстранти, повеќето со маски, како стојат на маси, удираат во тапани и држат транспаренти на кои пишува „За Газа“. Ен-би-си њуз објави дека се уапсени најмалку 78 студенти.
Американскиот претседател Доналд Трамп остро ја критикуваше Колумбија за пропалестинските протести на кампусот минатата година, велејќи дека тие биле антисемитски и дека Колумбија не успеала да ги заштити еврејските студенти.
Студентите демонстранти, вклучувајќи и некои еврејски организатори, тврдат дека Трамп и неговите колеги, конзервативни политичари кои се силно произраелски настроени, неправедно ги изедначуваат пропалестинските протести со антисемитизам.
BREAKING NEWS:
Columbia police have begun making arrests after multiple officers were assaulted.
The protestors aren’t being released until they remove their masks for identification. pic.twitter.com/zKlP1fNrEM
Demand that charges are now brought and the students are expelled.
— Mila Joy (@MilaLovesJoe) May 7, 2025
Управниот одбор на Универзитетот Колумбија преговара со администрацијата на Трамп, која во март објави дека ја откажува поддршката на универзитетот со големи парични средства за научни истражувања.
Универзитетот соопшти дека работел на борба против антисемитизмот и другите предрасуди на својот кампус, истовремено бранејќи се од обвинувањата од групите за граѓански права дека со попуштање ѝ дозволува на владата да се меша во академската слобода.
Public safety has assaulted dozens of protestors so far and is refusing to let people in and out of the building despite an active fire alarm
All out to the Columbia gates! pic.twitter.com/oyItEbtXbL
— CU Apartheid Divest (CUAD) (@ColumbiaBDS) May 7, 2025
Универзитетот Колумбија синоќа објави дека побарал помош од полицијата на Њујорк „за обезбедување на зградата“ и дека двајца нивни службеници за јавна безбедност се повредени во конфронтацијата.
Портпаролот на полицијата во Њујорк потврди „повеќе апсења“ на демонстранти кои ја окупираа библиотеката, но не даде точен број. „Секој има право на мирен протест. Но, насилство, вандализам или уништување на имотот се целосно неприфатливи“, објави гувернерката на Њујорк, Кети Хочул, на социјалните мрежи.
Gaza has been deprived of food for over 60 days. Every day there are new images of emaciated Palestinian children starving to death. Meanwhile, if you protest against genocide, Columbia University will brutalize and hospitalize you. pic.twitter.com/RsCEqIec2o
— maryam alwan🇵🇸 (@maryamalwan) May 8, 2025
Пред полицијата да пристигне на местото на настанот, припадници на универзитетското обезбедување биле видени како ја заклучуваат влезната врата на библиотеката, спречувајќи ги студентите да влезат во зградата и предизвикувајќи кратко туркање и буткање надвор. Се чини дека еден студент при тоа е повреден. Едно лице беше изнесено од зградата на носилка.
