Врховниот суд на САД пресуди дека поранешниот американски претседател Трамп може да ужива имунитет од кривичен прогон за одделни дејства кои ги презел во текот на мандатот за да ги поништи резултатите од претседателските избори во 2020 година.
Судот пресуди дека поранешните претседатели се заштитени од кривичен прогон за дејства кои ги преземаат во рамки на своите уставни овластувања, за разлика од дејствата преземени „во приватен капацитет“.
Изрекувањето на пресудата претходно беше закажано за 11 јули пред почетокот на републиканската национална конвенција која почнува во Милвоки на 15 јули. Се очекува Трамп да ја добие партиската номинација за да го предизвика демократскиот претседател Џо Бајден на изборите на 5 ноември.
Трамп се соочува со тешка битка за поништување на пресудата за купување на молкот, особено бидејќи станува збор за време пред неговиот претседателски мандат.
Адвокатите на Трамп побараа од судијата Хуан Мерчант да дозволи аргументирање на државниот суд на Менхетн дека случајот на Трамп треба да биде поништен поради пресудата на Врховниот суд од 1 јули.
