Во разговор со новинарите на Претседателскиот авион Трамп рече дека не се согласува со тврдењата дека неговиот предложен договор е поповолен за Русија и дека Москва не прави никакви отстапки.
„Па тие прават отстапки. Голема отстапка е да престанат да се борат и да не заземаат уште територии“, рече Трамп како одговор на новинарско прашање.
На прашањето дали од Украина било побарано да се откаже од преголема територија, американскиот претседател Доналд Трамп посочи дека „во следните неколку месеци, Русија, која има предност на бојното поле, би можела да победи во секој случај“.
„Крајниот рок за мене е кога ќе заврши конфликтот“, додаде тој. „И мислам дека сите се уморни од борба во овој момент“. Тој исто така рече дека Украина е задоволна од начинот на кој се одвиваат разговорите.
Белата куќа вчера изрази голем оптимизам дека е можно да се постигне договор по неколкудневните разговори во Европа и Заливот, во кои учествуваа државниот секретар на САД, Марко Рубио, секретарот за армија на САД, Даниел Дрискол, и други високи функционери.
Трамп го поздрави „огромниот напредок“ во усовршувањето на неговиот почетен мировен план од 28 точки, кој беше широко критикуван како список на желби на Кремљ. Тој рече дека му наложил на својот претставник Стив Виткоф да оди во Москва за да се сретне со Владимир Путин.
Русија првично го поддржа планот на Трамп, но не е познато дали ќе го прифати по ревизиите направени по сугестиите на Украина, за кои се верува дека се однесуваат на прашањата за територијата и безбедносните гаранции.
🚨OH – MY – GOD!!!
REPORTER: What kinds of concessions are the Russians going to have to make?
TRUMP: They’re making concessions; their big concession is they stop fighting and they don’t take any more land.
After blaming Biden, he cruelly blabbers, “It’s too bad.” Wtf. pic.twitter.com/kmsS8vj1l7
— CALL TO ACTIVISM (@CalltoActivism) November 26, 2025
