Повеќе од 24 часа по несреќата, мали се шансите дека сѐ уште има преживеани под урнатините на дискотеката Џет сет. Околу 370 спасувачи ги пребаруваа купиштата паднати тули, челични шипки и лимени листови во потрага по преживеани.
Во несреќата загина гувернерката на провинцијата Монтекристи, Нелси Круз, како и пејачот Руби Перез, кој настапувал кога се урнал таванот.
Според очевидци, Перез бил на сцената кога настапил мрак и покривот се урнал. Ќерката на Перез, Зулинка, им рекла на новинарите дека успеала да побегне откако се урнал покривот, но дека тој не успеал.
Сѐ уште не е позната причината за уривањето на таванот.
Локалните медиуми јавија дека имало меѓу 500 и 1.000 луѓе во клубот кога се урнал покривот околу 12.44 часот во вторникот. Клубот имал капацитет за околу 1.700 луѓе.
The death toll has risen following a horrific tragedy in the Dominican Republic where the roof of the iconic Jet Set nightclub collapsed
Latest reports indicate that the tragedy claimed the lives of about a hundred people, including politicians and athletes.
The dreadful… pic.twitter.com/aBgqSB3U9N
— Politics World Wide Web (@PoliticsWWWeb) April 9, 2025
Директорот на Центарот за итни операции, Хуан Мануел Мендез, рече дека се надева оти многумина од затрупаните под урнатиот покрив сè уште се живи.
Џет сет е популарен ноќен клуб во Санто Доминго, кој редовно организира концерти на денс-музика во понеделник навечер. Во публиката вечерта имало политичари, спортисти и други истакнати личности.
Властите прогласија тридневна жалост по трагедијата.
