Во последниве години, бидејќи системот сè повеќе се стреми да го зголеми бројот на трансплантации, сè поголем број пациенти се соочиле со предвремени или неуспешни обиди за вадење на нивните органи, се наведува во текстот.
Според весникот, во Западна Вирџинија, лекарите биле шокирани кога координатори побарале од парализиран човек, кој престанал да прима седативи, додека бил во операционата сала, да даде согласност за отстранување на неговите органи.
Болниците се одговорни за пациентите се до нивната смрт, но некои од нив им дозволуваат на организациите за набавка на органи да влијаат на одлуките за лекување, нагласува Њујорк тајмс.
Според весникот, вработени во неколку држави пријавиле дека виделе координатори како ги убедуваат болничките лекари да препишат морфиум, пропофол и други лекови за да ја забрзаат смртта на потенцијалните донатори.
Трансплантацијата на органи во САД е процес што вклучува операции на пресадување што ги спроведува сложен систем на болници, лекари и координатори од непрофитни организации.
Повеќето органи доаѓаат од луѓе кај кои е потврдена мозочна смрт.
Постои и друга форма на донација по смрт предизвикана од кардиоваскуларен застој.
