„Стармер го наградува монструозниот тероризам на Хамас и ги казнува неговите жртви. Џихадистичка држава на израелската граница ДЕНЕС ќе биде закана за Велика Британија УТРЕ. Смирување со џихадистичките терористи никогаш не функционира“, напиша Нетанјаху на Икс.
Министерството за надворешни работи во соопштението наведува дека плановите на Лондон се штетни за напорите за постигнување договор за прекин на огнот во Газа и ослободување на заложниците.
Канцеларијата на Стармер во вторникот издаде соопштение во кое се вели дека Велика Британија ќе ја признае палестинската држава пред Генералното собрание на ОН во септември доколку Израел продолжи да ја блокира хуманитарната помош за Газа и да спроведува воена операција во енклавата.
Францускиот претседател Емануел Макрон на 24 јули изјави дека Париз ќе ја признае Државата Палестина на Генералното собрание на ОН во септември.
